مساحة تتعلّم فيها، وتجرّب بإيدك.
تعلّم الـAI.
وطبّقه بإيدك.
في Funnel Terminal، بنساعدك تفهم الذكاء الاصطناعي وتستخدمه بشغلك، مهمة ورا مهمة. ابدأ بشرح بسيط، جرّب مثال، وابنِ أول مساعد إلك على منصتنا مجانًا.
التعلّم مفتوح. المنصة مجانية. والبداية على راحتك.
كم السعر مع التوصيل؟
برجع لمعلومات شغلك
القطعة 18 دينار + دينارين توصيل.
المجموع: 20 ديناركلنا بنبدأ من أول خطوة
مكانك لتتعلّم
وتجرّب.
مش لازم تكون خبير، ولا يكون عندك مشروع جاهز. خذ الفكرة اللي بتفيدك، جرّبها على مثال بسيط، وبعدين طبّقها على شغلك.
افهم الفكرة ببساطة
شو الفرق بين أداة AI، ومساعد عنده معلوماتك، وأتمتة بتشغّل المهمة؟ بنبدأ من مفاهيم واضحة وأمثلة بتقدر تجرّبها.
جرّب أول مساعد إلك
افتح حساب مجاني، أضف معلومات المثال اللي بدك تجرّبه، واسأل المساعد. غيّر المعلومات وراقب كيف بتتغيّر الإجابة.
كمّل خطوة خطوة
مش مطلوب تأتمت كل شغلك بيوم واحد. ابدأ بمهمة صغيرة، راجع النتيجة، وتعلّم من اللي زبط واللي احتاج تعديل.
مساحة تطبيق مجانية
تعلّمت الفكرة؟
هلا جرّبها.
منصة مساعد الزبائن متاحة إلك بالمجان. جرّب بمعلومات متجر افتراضي أو مشروعك، اسأل، وشوف كيف المساعد بيستخدم المرجع اللي أعطيته إياه.
- حساب مجاني وصفحة محادثة خاصة بتجربتك
- غيّر المعلومات، واسأل، وراجع المحادثات
- جرّب استلام المحادثة والرد بنفسك
استخدام المنصة مجاني. لردود AI حقيقية، بتربط مفتاح Gemini الخاص فيك. حدود استخدام Gemini وشروطه بتعتمد على حسابك لدى Google.
أهلًا! اسأل عن منظّم الأدراج.
جرّب تشوف حالة ثانية
ابدأ صغير، وتعلّم بالتجربة
مشوارك، خطوة خطوة.
هاي خطوات تجربتك الأولى. بتقدر تطبّقها بنفسك من هون، بالوقت اللي بناسبك.
- 01
اختَر مهمة صغيرة
مثل الرد على سؤال بيتكرر. اختَر مثال بسيط، واضح وسهل تراجع نتيجته.
- 02
جهّز المعلومات
اكتب الحقائق اللي المساعد بحاجة إلها، وحدد شو يعمل إذا نقصت معلومة.
- 03
اسأل وقارن
جرّب سؤال معروف جوابه، وسؤال ناقصه معلومة. قارن الرد بالمرجع.
- 04
عدّل وجرّب كمان
إذا الرد مش دقيق، وضّح المرجع والتعليمات وأعد التجربة. كل مرة بتفهم أكثر.
أول درس إلك، هون وبالمجان
المساعد بده
معلومات يرجع إلها.
خلّينا نجرّب مثال متجر بسيط. شوف المعلومات، والتعليمات، وأسئلة الاختبار. وبعدها خذ نفس الفكرة وطبّقها على مثال من عندك.
طبّقها بالمنصة مجانًامش بحاجة لخلفية بالبرمجة. ابدأ بالمثال، وخذ وقتك.
FIRST EXPERIMENTأعطِ المساعد معلومات واضحة.
هاي معلومات متجر افتراضي للتدريب. لاحظ إننا تركنا الخصم غير معروف.
المنتج: منظّم أدراج سعر القطعة: 18 دينار التوصيل داخل عمّان: ديناران للطلب خصم الكميات: غير محدد
المعلومة اللي ما أعطيتها للمساعد، ما لازم يفترضها من عنده.
خذ راحتك، واسأل
قبل أول تجربة.
المنصة مجانية؟
نعم، استخدام منصة Funnel Terminal مجاني. لردود الذكاء الاصطناعي الحقيقية، بتربط مفتاح Gemini الخاص فيك. حدود وشروط استخدام حساب Gemini بتحددها Google بشكل مستقل عن المنصة.
من وين أبدأ إذا أنا مبتدئ؟
ابدأ بالدرس المجاني الموجود بهالصفحة. شوف المعلومات والتعليمات وأسئلة الاختبار، وبعدها انسخ التمرين وجرّبه بالمنصة. بتقدر تبدأ بمتجر افتراضي.
لازم أعرف برمجة؟
لتجربة المنصة، ما بتحتاج برمجة. بتضيف المعلومات والتعليمات من لوحة التحكم، وبتسأل وبتراجع الردود. الدرس الأول بيساعدك تجهّز مرجع بسيط.
إذا المساعد أعطاني جواب غلط؟
قارن الرد بالمرجع. وضّح المعلومات أو التعليمات الناقصة وأعد الاختبار، وراجع الأجوبة المهمة قبل الاعتماد عليها. وبالمنصة بتقدر توقف الـAI وترد بنفسك.
إذا علقت بخطوة، إحنا معك
عندك سؤال؟
خلّينا نساعدك.
مش واضح من وين تبدأ؟ أو وقفت معك التجربة بخطوة؟ ابعتلنا سؤالك على واتساب، واحكيلنا شو جرّبت.
واتساب+962 77 930 0187